Dünya Azərbaycanlıları İnformasiya Mərkəzi

Rusiyada koronavirusa yoluxanların sayı İranı ötüb

Rusiyada koronavirusa yoluxanların sayı İranı ötüb

Rusiyada son bir gündə 6 411 nəfərə koronavirus diaqnozu qoyulub.

Bununla da Rusiyada yoluxanların sayı 93 558 nəfərə çatıb.

Ölkədə virusdan ölənlərin sayı isə 72 nəfər artaraq 867-yə yüksəlib.

Bundan başqa, Rusiyada indiyədək koronavirusa yoluxan 8 456 nəfər sağalıb.

Bildirilib ki, yeni yoluxmaların əksəriyyəti paytaxt Moskvada aşkarlanıb – 3 075.

Qeyd edək ki, aprelin 27-nə olan məlumata görə, İranda koronavirusa yoluxanların sayı 91 472 nəfərdir. Rusiya yoluxma halların sayına görə dünyada Türkiyədən sonra 8-ci ölkədir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 3 066 000-i ötüb. Bunların 923 448 nəfəri sağalıb, 211 663 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Beğendim 0 Muhteşem 0 Haha 0 İnanılmaz 0 Üzgün 0 Kızgın 0
yukarı çık